Atuisunut akit 0,1 pct.-imik ukiup affaata ingerlanerani qaffariarput
Ukiup affaa kingullermi juuli 2016-imiit januaari 2017-imut atuisunut akit 0,1 pct.-imik qaffariarput. Tamanna qaffariarnikinnerpaaffiuvoq ukiuni kingullerni tallimani
Akitigut qaffariarfiit annertunerit pipput nioqqutissakkuutaani ukunani: Neqit (soorlu nersussuup puulukillu neqaat) 3,5 pct.-imik qaffalluni. Assartuutit (timmisartumi umiarsuarmilu billetsit biilillu) 2 pct.-imik qaffariartoq aammalu naatitat (soorlu seqquluttut naatitallu) 1,9 pct.-imik qaffariartut. Nioqqutissanissaaq ataasiakkaani akitigut appariartoqarpoq. Nioqqutissat appariarfiunerpaapput Najugarisaq -1,6 pct., Inigisami atortut pissarsiallu -1,3 pct. aamma Oqarasuaat nassiussallu (attaveqaatit). -1,1 pct.
Nioqqutissani immikkoortuni akitigut allannguinerit assigiinngitsumik akit qaffannerannut sunniuteqarput. Nioqqutissat immikkoortut akimut sunniuteqarnerpaat ukuupput: Neqit 0,19 procentpointimik akimut naleqqersuummut sunniisoq, Assartuinerit 0,13 procentpointimik akimut naleqqersuummut sunniisoq aamma Nioqqutissat kiffartuussinerillu allat 0,12 procentpointimik akimut naleqqersuummut sunniisoq. Akitigut ammut ingerlasumik allannguuteqartoq kiassarneq ineqarnermullu akiliutit Ineqarnermut sunniuteqartuupput, tamanna 0,38 procentpointinik akimut naleqqersuummut naleqarpoq
Ukiup ingerlanerini akitigut ineriartorneq
2016-imi januarimiit 2017-imi januaarimut atuisunut akit ukiup ataatsip ingerlanerani 0,3 pct.-imik qaffappoq. Qaffariarneq ukiup siulianiit appasinneruvoq, 1,2 pct. allannguutaalluni.
Atuisunut akit, ukiukkaartumik pct.-inngorlugit qaffanneri
Najoqqutaq: http://bank.stat.gl/PRNPRISV Indeks (2008=100)
Akinut iluarsiissut
Akinut iluarsiissut atuisunut akip naleqqersuutaata assinganik qaffariarpoq. Akinut iluarsiissut juuli 2016-imiit januaari 2017-imut 0,1 pct.-imik qaffariarpoq. Assigiinngissut annerpaaq tassaavoq Imigassaq tupalu 0,8 pct.-imik qaffariartoq aammalu Sioraasat mamakujuttullu 1,9 pct.-imik qaffariartoq
Periaaseq
Atuisunut akip naleqqersuutaata ataatsimut naatsorsornerani, nioqqutissat ilaat ilaminnit naatsorsuinermi naleqqersuutaat qaffasinnerusarpoq. Nioqqutissat assigiinngitsut akiisa ineriartornerat, allatut oqaatigalugu soorlu issingiassat aaqqatillu naleqarnerisa pingaassusiat assigiinneq ajortoq. Nioqqutissat ataasiakkaat naleqqersornerat atuisunullu akip naleqqersuutaata naatsorsornera nittartagaq www.stat.gl iserfigalugu paasisaqarfigiuk.
Akit pillugit kisitsisit atorlugit nassuiaasiaq pdf-fiilitut Kalaallit Nunaanni Naatsorsueqqissaartarfiup nittartagaani paasisassarsiorfigineqarsinnaavoq, taamatuttaaq kisitsisaataasivik http://bank.stat.gl iserfigalugu. Annertunerusumik ujartuisoqassatillugu Naatsorsueqqissaartarfiup pisortaa Anders Blaabjerg abla@stat.gl saaffigineqarsinnaavoq imaluunniit oqarasuaat (toqqaannartoq) 34 57 81 saaffigalugu.